الجمعة، 12 يوليو 2013

غطاوي سياسية ..

- منهو اللي مكوشّ على الحلال .. يشرب ماي زلال .. ولا يشكي من فقر الحال .. وتزيد الياء على اسمه مو يمين لكن " شمال " ؟
●●●●●●●●●●●●●●●
- صوت جهير .. مال وفير .. يحسده الغني والفقير .. يدخل الميلس حافي .. يطلع سفير !!
●●●●●●●●●●●●●●●
- للردح محطوطه .. وللحش مصفوفه .. يلمها قمر .. ويستقبلها قمر .. وكل أخبارها             مخسوفة !!
●●●●●●●●●●●●●●●
- قوم ماكاري .. شايبهم يركب قاري .. طفلهم يحدق ويباري .. لسان طويل وفعلهم ينخش ويداري ..
●●●●●●●●●●●●●●●
- ينشطب ما ينعطب .. ينحذف ما يرتجف .. تهاجمه يحبك .. تلومه يغلبك .. تحدّه يحرجك .. وفي الرزة أهو قبلك .
●●●●●●●●●●●●●●●
- سين .. لام .. طاء .. هاء .. ما تنبلع حتى بالماء .. تمنع عنك الهواء .. تعالجك بالمرض وتنسى الدواء ..
●●●●●●●●●●●●●●●



ليست هناك تعليقات:

إرسال تعليق